Çoxları elə bilirdi ki, azərbaycanlı olsan da bu xalqla heç bir əlaqən yoxdur. Amma Sən, hətta ABŞ-da fəaliyyət göstərən Azərbaycan Cəmiyyətinin tədbirlərində müntəzəm iştirak edirdin. Bu xalqın parlaq zəkalı övladlarını öz balan kimi bağrına basırdın. Milli kimliyini heç vaxt danmırdın. Harada hansı xalqdan olduğunu soruşsalar- “azərbaycanlıyam”, deyirdin…
…Səni torpağa tapşırdıq. Sən boyda nəhəng kişi balaca bir məzara sığdın, vətən torpağına qarışdın. Amma bu o demək deyil ki, Sən yoxsan, yaşamırsan. Əsla! Sən varsan, Sən bizim yaddaşımızda yaşayırsan, əbədisən..
…Bu gün Sənin doğum günündür, 98 yaşın tamam olur. Əbədi yaşayanları doğum günündə təbrik edərlər…
Mövludun mübarək, Lütfü Zadə!