ONN media xəbər verir ki, "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov deyib ki, həmin şəxslər "Bakı Metropoliteni" QSC-nin Tikinti departamentinin müxtəlif sahələrində çalışmış işçilər olub. 

 

B. Məmmədov qeyd edib ki, onların bir qisminin əmək müqaviləsi başa çatıb, bəziləri ixtisara düşüb, ixtisara düşənlər arasında hətta kompensasiya alanlar da olub: "Dünən "Bakı Metropoliteni" QSC-nin – onlar qəbul edildi, müraciətlərinə baxıldı. Həmin görüşdə  "Bakı Metropoliteni" QSC-nin İdarə Aparatında İnsan resursları və xidmət departamenti, İnsan resursları şöbəsi, Maliyyə departamenti, Hüquq şöbəsi və Tikinti departamentinin rəisləri, Tikinti departamentinin aid olduğu strukturun rəhbəri, o cümlədən "Bakı Metropoliteni" QSC-nin Həmkarlar İttifaqının rəhbərliyi iştirak edirdi. Onların hər birinin ayrı-ayrılıqda problemləri, təklifləri, qaldırdıqları məsələlər müzakirə edildi.

 

Həmin şəxslərə peşə bacarıqları, bilikləri, ixtisaslarına uyğun olaraq "Bakı Metropoliteni" QSC-nin istismar sahələrində müxtəlif struktur vahidlərində vakant iş yerləri təklif olundu. 16 nəfərdən 12-i dərhal ərizə ilə müraciət etdi. 1 nəfər artıq bu gün Kadr komissiyasına dəvət olunub. Çünki o, peşəsini dəyişir, mütləq qaydada müsabiqə üçün Kadr komissiyasının qarşısına çıxmalıdır. 1 nəfər isə əvvəlcədən ərizə ilə müraciət etmişdi, sadədə, əlaqə vasitəsi yox idi. Nə mobil, şəhər telefonu, nə emaili yox idi, ona görə onunla əlaqə saxlamaq mümkün olmamışdı. Həmin şəxs qəbula yazıldı, vakant yerlər barədə fikirləşməsi təklif edildi. 16 nəfərdən qalan 2 nəfərdən biri pensiyaçı idi, digər isə vakant yerlərlə bağlı fikirləşmək üçün vaxt istədi. Beləliklə, bu məsələ ilə bağlı ortaq fikrə gəlindı”.

 

B. Məmmədov onu də bildirib ki, əvvəllər də "Bakı Metropoliteni" QSC-nin maliyyə imkanları nəzərə alınaraq, həmin şəxslərə işlər təklif olunub: "Dünənki görüşdə isə  yaranmış vəziyyətdən çıxış yolu müzakirə edildi, onlar da təklifləri qəbul etdilər”. Bakupost