Bakı Metropoliteni hər il olduğu kimi bu il də metro stansiyalarında azyaşlı sərnişinləri sevindirəcək.

Bu barədə ONN media-ya "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov deyib.

Onun sözlərinə görə, 31 dekabr - Dünya Azərbaycanlılarının Həmrəylik Günü və 1 yanvar - Yeni il münasibətilə metro stansiyalarında Şaxta baba və Qar qız sərnişinlərin görüşünə gələcək: "Hər il olduğu kimi, bu il də "Bakı Metropoliteni" Qapalı Səhmdar Cəmiyyəti balaca sərnişinlərini sevindirəcək. Şaxta baba və Qar qız balaca sərnişinlərlə görüşəcək və onlara müxtəlif oyuncaq və hədiyyələr verəcək".

B.Məmmədov bildirib ki, Şaxta baba və Qar qız 3 gün - dekabrın 29-u, 30-u və 31-i metroda balaca sərnişinlərini qarşılayacaq.