Tütünçəkmə ilə mübarizə sahəsində maarifləndirmə işinin gücləndirilməsi məqsədi ilə 5 mart 2019-cu il saat 17.00-18.00-da Fəvvarələr meydanında növbəti aksiya keçiriləcək. İctimai Səhiyyə və İslahatlar Mərkəzindən (İSİM) Metbuat.az-a verilən məlumata görə, “Həyatınızı külə yox, gülə çevirin!” adlı aksiya tütünçəkmə əleyhinə və Azərbaycan Tibb Universitetinin tələbələrinin müşayiəti ilə (tələbələrin ifasında tütün əleyhinə fləşmob) olacaq. Aksiya çərçivəsində, İSİM və ATU könüllülərinin sakinlərə əlində gül ilə yaxınlaşaraq tütünçəkmənin zərərlərini izah etməsi və “Həyatınızı külə yox, gülə çevirin!” tövsiyəsi ilə onlara çiçək bağışlaması, eyni zamanda əhaliyə İSİM tərəfindən hazırlanmış maarifləndirici çap materiallarının paylanılması nəzərdə tutulur.