Pasport nəzarəti növbəsinə duraraq sərnişinlərin əlində ən müxtəlif çalarlı pasportları görmək olar. Lakin əsas olaraq pasportların cəmi dörd üz qabığı rəngi var: qırmızı, göy, yaşıl və qara. Bu və ya digər rəngin xeyrinə seçimlərin nədən irəli gəldiyini ONN media sizə təqdim edir.

"Hökumətlərin hansısa bir rəngə üstünlük vermələrinin səbəb kifayət qədər çoxdur. Belə ki, həmin qərarların əsasında coğrafi, tarixi və ya siyasi motivlər dayana bilər. Pasport üçün tünd-qırmızı rənglərdən Avropa Birliyinin üzv ölkələrində, göy rənglərdən isə Karib birliyi ölkələrində istifadə edilir. Tünd-qırmızı üz qabığı bəzən ölkənin kommunist keçmişi barədə xatırladır. Göy isə "yeni dünyanı" rəmzləşdirir - məsələn Şimali və Cənubi Amerika və Okeaniya ölkələrində.
Bir sıra ölkələrdə pasportların rəngi vətəndaşların inamı ilə bağlıdır.

"İslam dövlətlərinin əksəriyyətində pasportların rəngi yaşıldır - bu, bu ərazilərdə etiqad edilən əsas din rəngidir" -deyə, Boqossian qeyd edir.
"Hesab edilir ki, yaşıl rəng Məhəmməd peyğəmbərin sevimli rəngi idi, həmçinin təbiətin və həyatın rəmzi sayılır."

Bəzi ölkələrdə pasportun rəngi millətin özünəməxsusluğunu və onun eyniyyətini əks etdirir. Belə ki, İsveçrənin baş sənədi al-qırmızıdır, Türkiyə pasportunun üz qabığı isə "ölkənin Avropa İttifaqına daxil olmaq səyləri dalğasında" 2010-ci ildə tünd qırmızı rəngə dəyişib.

Maraqlıdır ki, bəzən pasportun rəng seçimi əsasən bu və ya digər cildlərin istehsalının asanlıqla tapılması və mümkün olması səbəblərindən irəli gəlir. Çünki pasportların buraxılması proseduru kifayət qədər mürəkkəb və standartlaşdırılandır, ölkənin əsas sənədinin üz rəngini dəyişmək asan deyil.

Son vaxtlar ölkələrin tanıdıcı rəmzlərinin peyda olduğu pasportların daxili səhifələri haqqında nə demək olmaz ki... Onlar adətən ultrabənövşəyi şüaları altında görünür. Bu cür ən maraqlı qərarlardan biri Finlandiya vətəndaşlarının pasport səhifələrində 2012-ci ildə yarandılmlş animasiyalardır."