"Android" mobil sisteminin idarəetməsi altında işləyən qurğular üçün "Viber" messencerində çatda göndərilən mesajların ani tərcüməsi əlçatandır.

ONN media xəbər verir ki, yaxın vaxtlarda isə "iOS" sistemi ilə işləyən qurğuların istifadəçiləri üçün belə imkan əlçatan olacaq.

"Viber" messenceri istifadəçiləri mesajı birbaşa çatın pəncərəsində istənilən dilə tərcümə edə bilər. Bunun üçün mesajın üzərinə sıxmaq, "tərcümə et" opsiyasını seçmək lazımdır və bundan sonra mətn seçilmiş dilə uyğun olaraq tərcümə ediləcək. Bu funksiya "Google Translator" ilə inteqrasiya nəticəsində əlçatan olub.