Azərbaycandan xaricə səfər edən vətəndaşların sayı artıb.

Bu barədə Dövlət Statistika Komitəsindən məlumat verilib.

Məlumata görə, 2023-cü ilin yanvar-fevral ayları ilə müqayisədə xarici ölkələrə gedən Azərbaycan Respublikası vətəndaşlarının ümumi sayı 36,0 faiz artaraq 296,5 min nəfər olub.

İrana gedən Azərbaycan Respublikası vətəndaşlarının sayı 38,5 faiz, Gürcüstana gedənlərin sayı 32,2 faiz, Rusiya Federasiyasına gedənlərin sayı 30,6 faiz, Türkiyəyə gedənlərin sayı 30,1 faiz artmışdır. Azərbaycan Respublikası vətəndaşlarının 37,9 faizi Türkiyəyə, 21,9 faizi Rusiya Federasiyasına, 9,7 faizi Gürcüstana, 8,5 faizi İrana, 22,0 faizi digər ölkələrə səfər etmişdir. Gedənlərin 68,2 faizini kişilər, 31,8 faizini qadınlar təşkil edib.

Tiktok bu türk ölkəsində də əngəllənə bilər

2024-cü ilin yanvar-fevral aylarında xarici ölkələrə səfər edən Azərbaycan Respublikası vətəndaşlarının 67,7 faizi hava, 30,0 faizi dəmir yolu və avtomobil, 2,3 faizi isə dəniz nəqliyyatından istifadə edib.

ONN İnformasiya Agentliyi
Çap Et