Akademik Milli Dram Teatrının aktyoru, əməkdar artist İlham Hüseynov işdən azad olunub. 

ONN media xəbər verir ki, buna səbəb İlham Hüseynovun iş davamiyyətini ardıcıl pozmasıdır. 

“İlham Hüseynovun səhhətində problem yarandığına görə bülleten götürmüşdü. Bülletenin vaxtı başa çatsa da, o, teatrda ardıcıl olaraq iş davamiyyətini pozub. Bundan başqa, İlham Hüseynov teatrın yaradıcı və ictimai həyatında, kollektiv tədbirlərdə iştirak etmir. Bütün bu səbəblərdə əməkdar artist İlham Hüseynovla bağlanmış əmək müqaviləsinə xitam verilib”, - deyə teatrdan bildirilib. 

Qeyd edək ki, İlham Hüseynov "Vicdan haqqı" serialında İmran obrazını canlandırır.