“Rusiya hərbçiləri atəşkəsin növbəti dəfə pozulmasının qarşısını alıblar”. ONN media xəbər verir ki, bu barədə Rusiyanın Qarabağdakı sülhməramlı kontingentinin komandiri general-leytenant Rüstəm Muradov “RİA Novosti”yə açıqlamasında bildirib. O, Hadrut bölgəsindəki vəziyyəti şərh edərək son toqquşmalardan sonra vəziyyətin normallaşdığını deyib. “Hazırda bu bölgədəki vəziyyət normallaşıb. Rusiyalı sülhməramlılar vəziyyəti daim izləyir və Ermənistan və Azərbaycan tərəflərinin nümayəndələri ilə qarşılıqlı əlaqəni davam etdirirlər”,- deyə Rüstəm Muradov qeyd edib.