Prezident İlham Əliyevin imzaladığı sərəncamla Xalq artisti fəxri adını almış mədəniyyət xadimlərindən biri də məşhur azərbaycanlı pianoçu, bəstəkar və caz ifaçısı Mustafazadə Əzizə Vaqif qızıdır.

Sevincini özünün "İnstaqram" səhifəsində bölüşən caz ifaçısı göstərilən yüksək diqqət və qayğıya görə ölkə başçısına minnətdarlığını bildirib. Əzizə xanımın fəxri ad almasına sevinən pərəstişkarları onu təbrik edib, sosial şəbəkələrdə bu yöndə paylaşımlar ediblər.

Qeyd edək ki, Azərbaycan musiqisində ilk dəfə muğam ilə caz musiqisini birləşdirən Vaqif Mustafazadənin qızıdır. 19 dekabr 1969-cu ildə Bakıda anadan olub. Anası Eliza Mustafazadə ilə bərabər Almaniyada yaşayır.