“Nazirliyin bütün qurumları gücləndirilmiş iş rejimini davam etdirir, vətəndaşlardan və qurumlardan müraciətlər qəbul olunmaqdadır”. ONN media xəbər verir ki, bu barədə “Qafqazinfo”ya açıqlamasında Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova bildirib. Qurum rəsmisi əvvəlcədən verilmiş xəbərdarlığın nəticə verdiyini söyləyib: “Bütün qurumlar tərəfindən lazımi qabaqlayıcı tədbirlər görülüb. Vətəndaşlar məlumatlandırılıb. Nazirliyin müvafiq qurumları təhlükəli hidrometeoroloji hadisə ilə bağlı operativ fəaliyyətini davam etdirir”.