Daxili işlər naziri, general-polkovnik Ramil Usubov yeni təyinat üzrə əmr imzalayıb. ONN media xəbər verir ki, əmrə əsasən, Səbail rayon Polis İdarəsinin rəisi, polkovnik Şəmşir Kazımov tutduğu vəzifəsindən azad edillərək İsmayıllı Rayon Polis Şöbəsinə rəis təyin edilib. Yanvar ayının 15-dən etibarən onun səlahiyyətlərini İdarənin əməliyyat işləri üzrə rəis müavini icra edir. Xatırladaq ki, bir müddət əvvəl isə İsmayıllı RPŞ-nin rəisi Telman Ağasiyev vəzifəsindən azad edilərək DİN-nin Baş Cinayət Axtarışı İdarəsində vəzifəyə təyin edilib.