Danimarka alimləri şirələrin faydalı xüsusiyyətlərini araşdırıb və ən faydalı şirənin adını açıqlayıb.

ONN media xarici KİV-lərə istinadla xəbər verir ki, mütəxəssislərin fikrinə görə, ən faydalı şirə albalı şirəsidir. O, immun sisteminə müsbət təsir edir, qanda xolesterinin səviyyəsini aşağı salır, ürək-damar sistemi xəstəliklərindən qoruyur.

Həmçinin albalı şirəsi maddələr mübadiləsi proseslərini aktivləşdirərək artıq çəki ilə mübarizə etməyə kömək edir.

Mütəxəssislər hər gün 1 stəkan albalı şirəsini içməyi tövsiyə edir. Lakin onu da nəzərə almaq lazımdır ki, mədə-bağırsaq xəstəlikləri olan insanlara bu şirə ziyan vura bilər.

Mütəxəssislər müxtəlif şirələr hazırladıqda meyvə, tərəvəzlər və giləmeyvələri şirəçəkəndən deyil, az miqdarda su əlavə etməklə blenderdən keçirməyi tövsiyə edir. Bu halda meyvə və tərəvəzlərin tərkibində olan qidalı liflər saxlanılır və bu da şirəni daha faydalı edir.