İntensiv fiziki fəaliyyət, o cümlədən evdə aktiv olmaq və televizor ekranı qarşısında keçirilən vaxtın məhdudlaşdırılması insult riskini əhəmiyyətli dərəcədə azaldır.

ONN media xəbər verir ki, bu barədə çinli alimlər araşdırma aparıblar.

400 000-ə yaxın könüllü üzərində 8 il ərzində aparılan müşahidələr zamanı 6983 insult hadisəsi qeydə alınıb. Eyni zamanda, könüllülərin həyat tərzi, iş, istirahət və fiziki aktivlik məlumatlarını təhlil etdikdə, daha aktiv fiziki həyat tərzi keçirənlərin insult riskinin 17 faiz aşağı olduğu məlum olub.

Psixoloq həyəcan təbili çaldı: “Yeniyetmələr arasında aqressiya artıb”

Alimlər həmçinin müəyyən ediblər ki, çox uzun yatmaq, gəzintiləri məhdudlaşdırmaq, həmçinin televizor ekranı qarşısında çox vaxt keçirmək vərdişləri insult ehtimalını 43 faiz artırır. Bütün bunlara əsaslanaraq, çinli alimlər tez-tez gəzməyi, aktiv həyat tərzini tövsiyə ediblər.

ONN İnformasiya Agentliyi
Çap Et