ONN media xəbər verir ki, xalq artisti Könül Xasıyeva vida konsertinə hazırlaşır. Məşhur müğənni özü bu haqda danışıb:

"Mart ayında vida konserti verəcəyəm. Nə qədər ki, dilim söz tutur, oxuya bilirəm, istədim ki, vida konsertimi edim. Həm də martın 17-si 50 yaşım tamam olur. Allah qismət edəcəksə, olacaq. Yaşasam da, yaşamasam da 50 yaşım olacaq. Tamaşaçılarımla nəhayət ki, 3 ildən sonra görüşəcəyəm. Bundan sonra gücüm çatan qədər toylara gedəcəyəm, verilişlərə çıxacağam. Çünki oğlum Kazımı böyütmək məcburiyyətindəyəm”, – deyə müğənni bildirib.