Tanınmış reper Anar Nağılbazın səhhəti qəfildən pisləşib.

Əldə etdiyimiz məlumata görə, Nağılbazı özünə gətirmək üçün təcili yardım maşını çağırılıb. Hazırda reperin ev şəraitində müalicə aldığı deyilir.

ONN media bildirir ki, Yenicag.az reperlə əlaqə saxlayaraq, vəziyyəti ilə maraqlanıb. O, səhhətinin qəfildən pisləşdiyini bildirib:

"O hadisələrdən sonra, bilirsiniz ki, səhhətimdə ciddi problemlər yarandı. Uzun müddətdir ki, müalicə alıram. Bir neçə gün əvvəl halım qəfildən pisləşdi, həkimlər məni kritik durumdan çıxartdılar. Amma ürəyim çox zəifdir, həkimlərin dediyinə görə, nəzarət altında olmalıyam. İndi də yanımda tibb bacısı var, bir azdan sistem köçürüləcək. Ürək təzyiqim hazırda 40-dır”.