"Eurovision 2018" təmsilçimiz Aysel Məmmədova (Aisel) wiwibloggs.com-a müsahibə verib. 

ONN media xəbər verir ki, 28 yaşlı müğənni şəxsi həyatı barədə danışıb və həyat yoldaşının xərçəngdən əziyyət çəkdiyini bildirib:

"Bu, mənim həyatımın kədərli hekayəsidir. Həyat yoldaşım musiqiçi və pianist idi. Xərçəngdən vəfat etdi. Ancaq o, həyatıma böyük müsbət enerji gətirdi. Həyat yoldaşım məndən 12 yaş böyük idi. İş və həyat baxımından böyük təcrübəsi var idi. Həm musiqiçi, həm də dost kimi mənə çox şey verdi". 

Aysel həyat yoldaşının müalicəsi ilə əlaqədar uzun müddət İsraildə yaşadığını deyib:

"Münasibətlərimizin son illərində İsraildə yaşamışıq. Ərim müalicə olunurdu, bu səbəbdən orada yaşayırdıq. İsraillə bağlı müsbət təəssüratlarım var. Mən bu ölkəni sevirəm".