Müğənni Nura Suri mətbuat konfransı keçirərək "Gitme" adlı yeni klipini təqdim edib.

ONN media xəbər verir ki, media nümayəndələri ilə yanaşı, məşhurların da qonaq olduğu gecə paytaxtın dəbdəbəli məkanlarından birində gerçəkləşib. Nura Suri konfrans zamanı yeni klipindən söz açaraq çəkilişlərin iki gündə tamamlandığını bildirib:

"Mahnının sözləri Zülfi Bədəlova və mənə, eyni zaman da musiqisi də mənə və Əvəz Muradova məxsusdur. Çəkilişlərimiz iki gündə tamamlandı. Klip üçün beş müxtəlif kostyum tikdirdik və fərqli məkanlarda çəkilişlər etdik".

Konfrans zamanı bildirilib ki, klip üzərində 15 nəfərlik komanda çalışıb. "Gitme"ni gənc rejissor Nuran Məmmədov ərsəyə gətirib. Müğənninin stili üzərində isə rejissorun özü və Elnur Həsənov çalışıb.

Yataq səhnələrinin yer aldığı klipdə müğənni psixopat bir şəxsə aşiq olur. Ekran işinin finalında Nura Suri sevgilisi tərəfindən boğularaq öldürülür.

Qeyd edək ki, kliplə eyni zamanda müğənni fotosessiya da etdirib. Fotoların müəllifləri isə Məhəbbət Nəsirov və Raj Stevendir.

[embed]https://www.youtube.com/watch?v=XM5-oJmuKWw&feature=youtu.be[/embed]