Başqasının "WhatsApp" hesabını qırmağın yolu açıqlanıb. ONN media News24.az-a istinadən xəbər verir ki, bu, xüsusi hazırlanmış "mp4" formatlı faylın sayəsində mümkündür. Belə ki, istifadəçi həmin faylı açdıqda onun cihazında uzaqdan idarəetmə yolu ilə DoS-hücum həyata keçirilir. Hücuma məruz qalan şəxsin məlumatlarının oğurlanması ilə yanaşı izlənməsi də mümkün olur. Təhlükə "WhatsApp" tətbiqinin Android üçün 2.19.274, iOS üçün isə 2.19.100 versiyalarına qədər təqdim olunan növlərində müşahidə olunur.