Instagram bir müddətdir tətbiqin bütün funksiyalarını kompüter versiyası üçün də aktivləşdirməyə çalışır. Bu funksiyalardan ən çox gözləniləni isə mesaj yazma xüsusiyyətidir. ONN media bildirir ki, Instagram mobil tətbiq olsa da, kompüter versiyası daha çox istifadə olunur. Bundan dolayı platforma rəsmiləri sözügedən versiya üçün müəyyən addımlar atmaqda davam edirlər. Artıq Instagram-ın kompüter versiyasını istifadə edənlər rahatca mesaj yaza, öz mesaj qutularını yoxlaya biləcəklər. Qeyd edək ki, bu xüsusiyyət hələlik bütün istifadəçilər üçün açıq deyil.