Sonuncu kurs tələbələri istehsalat təcrübəsini başa çatdıra bilmədilər. Bu təcrübə müddəti ilə bağlı rektrorlarla müzakirələr aparılıb. ONN media   xəbər verir ki, bunu Təhsil Naziri Ceyhun Bayramov Operativ Qərargahın brifinqində deyib. "Təcrübə müddətində bəzi ixtisaslarda güzəştlər tətbiq oluna bilər. Bu yaxın zamanda ictimaiyyətə elan olunacaq. Hərbi çağırış vaxtlarının dəyişdirildiyini nəzərə alaraq, oğlan tələbələrin təhsillərini davam etdirməsi üçün hökümətə müraciət ediləcək. Bizim çoxsaylı son kurs tələbələrimiz var. Onların təcrübə və attestasiyaya hazırlaşdığını nəzərə alaraq, onlayn dərslərə qoşulmaları vacib deyil. Ehtiyac olarsa, tələbələrim qiymətləndirməsindən əvvəl konsultasiyalar həyata keçiriləcək".