Bəzi KİV-də Azərbaycanın İsveç Krallığındakı müvəqqəti işlər vəkili Günəş Rüstəmzadə, birinci katib Vaqif Seyidbəyov, konsulluq və humanitar məsələlər üzrə attaşe Elmar Məmmədov, maliyyə attaşesi Bəhruz Məmmədlinin Xarici İşlər Nazirliyinin tələbi ilə geri çağırıldığını əks etdirən xəbərlər yayılıb. ONN media xəbər verir ki, məsələ ilə bağlı axar.az -ın sorğusunu cavablandıran XİN Mətbuat xidməti idarəsinin rəisi Leyla Abdullayeva bu məlumatların həqiqətə uyğun olmadığını bildirib. “Azərbaycanın İsveçdəki diplomatik nümayəndələri Azərbaycanın İsveç Krallığındakı müvəqqəti işlər vəkili Günəş Rüstəmzadə, birinci katib Vaqif Seyidbəyov, konsulluq və humanitar məsələlər üzrə attaşe Elmar Məmmədov, maliyyə attaşesi Bəhruz Məmmədli bu ölkədəki diplomatik fəaliyyətlərini davam etdirirlər”, - L.Abdullayeva bildirib.