Birinci vitse-prezident Mehriban Əliyeva rəsmi sosial media hesabında Şuşa səfərindən görüntülər paylaşıb. ONN media xəbər verir ki, paylaşımda deyilir: “Əziz bacılar və qardaşlar! Bu gün - Torpaq çərşənbəsi günündə biz yenidən doğma Şuşa şəhərimizi ziyarət etdik. Səfərimizin görüntülərini böyük məmnuniyyətlə sizinlə paylaşıram. Hər birinizə möhkəm cansağlığı, uzun ömür, xoşbəxtlik və əmin-amanlıq arzulayıram! Vətən uğrunda həlak olmuş bütün şəhidlərimizə Allahdan rəhmət diləyirəm! Uca Tanrı sizi və doğmalarınızı qorusun! Dərin hörmət və sevgilərlə, Sizin Mehriban”.