Fövqəladə Hallar Nazirliyinin Bohran Vəziyyətlərində İdarəetmə Mərkəzinə daxil olan məlumata əsasən, Qazax rayonunun Çaylı kəndində “Mercedes” və “Vaz” markalı iki minik avtomobili toqquşub.
ONN media nazirliyə istinadən xəbər verir ki, hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri sıxılı vəziyyətdə qalan 1 nəfəri deformasiyaya uğrayan "Mercedes" markalı minik avtomobilindən çıxararaq aidiyyəti üzrə təhvil veriblər.
Qeyd edək ki, hadisə nəticəsində "Vaz"da olan 2 nəfər (ata və oğlu) həlak olub.
Araşdırma aparılır.