Votsap tətbiqetməsi 15 maydan sonra istifadəçilərə şərtlərlə bağlı bildirişlər göndərir. Bəzi insanlar razılaşmanı qəbul etmir, Feysbuk şirkətinə məxsus bu tətbiqetmədən imtina edir. İmtina edənlər isə başqa sosial hesablardan qeydiyyatdan keçməyə başlayıblar. ONN media  məşhur yazışma, video, səs ötürmə və qəbuletmə kimi funksiyaları özündə birləşdirən sosial tətbiqləri təqdim edir: 1. Teleqram – Teleqram kanalları artıq Azərbaycanda məşhurluq qazanmağa başlayıb. İstifadəsi asan olan tətbiqetmədə yazışma və reklama məhdudiyyətlər tətbiq edilmir. 2. Viber (messsencer) – Səs və görüntüləri yüksək keyfiyyətlə HD formatında ötürə bilir. Qeyd edək ki, proqram reklamsızdır, bu proqram hələ bir neçə il öncə məşhur idi. 3. Siqnal (messencer) – İlon Mask tərəfindən ən çox tövsiyə olunan şəbəkədir. Reklamsız və təhlükəsizlik baxımından istifadəçilər üçün rahat və əlçatandır. 4. Discord (messencer) - Əyləncə və mobil oyunlar sevənlər üçün əla yazışma platformasıdır. Səs göndərmək mümkündür. 5. BiP - Turkcell tərəfindən istifadəyə verilib. İOS və Android istifadəçiləri üçün hazırlanmış mesajlaşma tətbiqidir və pulsuz istifadə edilə bilər. Tətbiq itirilmiş mesaj, yumor yaratma, hər kəslə ünsiyyət qurma, qrup mesajlaşma və yer paylaşımı, oyunlar, pul köçürməsi kimi xüsusiyyətlərə malikdir.(axar.az)