Bu gün Rusiya hərbi gəmilərinin təlimləri keçiriləcək.

ONN media  xəbər verir ki, Rusiya Donanmasının Aralıq dənizindəki daimi birləşməsinin gəmiləri Kral Donanmasının flaqmanı "HMS Queen Elizabeth"ə qarşı 30 kilometrə qədər qısa məsafədə raket təcrübə təlimi keçirəcək.

Məlumata görə, "HMS Queen Elizabeth"in rəhbərlik etdiyi Krallıq Donanmasının daşıyıcı qrupu hazırda Kiprin cənubunda yerləşdirilib və 30 iyuna qədər orada qalması gözlənilir.

Bir neçə gün öncə İngiltərə ilə Rusiya arasında Qara dənizdə yaşanan gərginliklə dünya müharibənin astanasında idi. Moskva oxşar təxribatda marşrutun deyil, bu dəfə hədəfin bombalanacağını elan etmişdi. Rusiya tərəfdən elan edilən təlimlə bağlı açıqlama isə dünyanın gözünü bu cəbhəyə yönəldib.

Qeyd edək ki, həftənin əvvəlində Rusiya Müdafiə Nazirliyi Şərqi Aralıq dənizində 5 savaş gəmisi, 2 sualtı gəmi, "Tu-22M3" strateji/dəniz hücum bombardmançıları və hipersəsli raket qabiliyyətli "MiG-31K"ların iştirak edəcəyi birgə dəniz və aviasiya təlimlərinin başladığını elan edib. Rusiya MN-dən verilən açıqlamada təlimlərdən əvvəl Rusiyanın Suriyadakı Hmeymim hava bazasına iki "MiG-31K"nin gətirildiyi təsdiqlənib.