Ana və iki övladı mənzildə ölü tapılıb.

ONN media xəbər verir ki, hadisə Dənizçilər məhəlləsində baş verib.

İş yerindən həyat yoldaşı ilə telefonla əlaqə saxlaya bilməyən Turqay Mərt daha sonra qonşularına zəng edərək ailəsinə baxmalarını istəyib. Evə gedən və dəfələrlə qapı döyülməsinə baxmayaraq cavab ala bilməyən yaxınları sonda polisə xəbər veriblər.

Mənzilin 3 -cü mərtəbəsindəki evə gələn polis, yanğınsöndürənlər və tibb işçiləri acı bir mənzərə ilə qarşılaşıblar. Mənzildən 41 yaşlı  Aynur Mərt, 16 yaşlı qızı Aleyna və 14 yaşlı  Məhəmməd Əli Mərtin meyitlərini aşkar edilib.

Hadisə yerinə gələn polis və prokurorluq əməkdaşları araşdırmalara başlayıb.

Yedikləri bir maddə səbəbiylə zəhərlənərək öldükləri ehtimal edilən ana və iki uşağının meyitləri ekspertizaya aparılıb.

Hadisənin dəqiq səbəbi ekspertizanın rəyindən sonra məlum olacaq.