Malinin Fransa ilə münasibətlərində gərginlik daha da artıb.

ONN media  xəbər verir ki, bu məlumatı Mali Xarici İşlər Nazirliyi yayıb.

Məlumata görə, gərginliyə səbəb Fransa Prezidenti Emmanuel Makronun Malinin ünvanına səsləndirdiyi ittihamlar olub. Nəticədə Fransa səfiri Mali Xarici İşlər Nazirliyinə çağırılıb.

Qeyd edək ki, Makron bundan öncə “Vaqner” muzdlularının Maliyə gələcəyi təqdirdə bölgədən Fransa qoşunlarını çəkəcəyini bildirmişdi. O, həmçinin Mali hökumətini korrupsiyada ittiham etmişdi.

Bir müddət əvvəl Fransanın Əlcəzairlə də münasibətləri pisləşmişdi. Makron Əlcəzairdə koloniya dövrü ilə bağlı tarixin yanlış yazıldığını və Türkiyənin bu işdə aktiv rol oynadığını bildirmişdi. Bundan sonra Əlcəzair səfirini ölkəyə geri çağırmışdı.