Əfqanıstanın Kunduz vilayətində törədilmiş terror aktı nəticəsində ölənlərin sayı 46-ya çatıb.

ONN media xəbər verir ki, bu barədə Əfqanıstanın "Baxtar" dövlət agentliyi məlumat yayıb.

Bildirilib ki, bu gün Kunduz vilayətinin Bəndər şəhərinin Xan Abad rayonunda şiə məscidində törədilən partlayış nəticəsində 46 nəfər ölüb, 140-dan çox adam yaralanıb.

Qeyd edək ki, hələlik heç bir qruplaşma terror aktı ilə bağlı məsuliyyəti öz üzərinə götürməyib. BMT-nin baş katibi hadisəni pisləyən bəyanatla çıxış edib.