"Ötən gecə Mixeil Saakaşvilinin analizində həyati vacib göstəricilərdən biri kritik həddə düşüb və reanimatoloqların müdaxiləsi zəruri olub".

ONN media xəbər verir ki, bu sözləri Mixeil Saakaşvilinin vəkili Dito Sadzaqlişvili onunla görüşdən sonra jurnalistlərə müsahibəsində deyib. Onun sözlərinə görə, reanimatoloqların müdaxiləsindən sonra Saakaşvilinin vəziyyəti stabilləşib:

"İndi üçüncü prezident aclıq mərhələsinin kritik həddinə qədəm qoyur və hər an səhhətinin pisləşməsi gözlənilir. Saakaşviliyə təcili tibbi yardım göstərilməsi gündəmdə olacaq".

Qeyd edək ki, Mixeil Saakaşvili artıq 25 gündür ki, həbsxanada aclıq aksiyası keçirir.