ABŞ Hərbi Dəniz Qüvvələrinin Altıncı Donanmasının flaqmanı "Mount Whitney" Qara dənizin şimalına yola düşüb.

ONN media xəbər verir ki, "Mount Whitney" NATO müttəfiqləri və regiondakı tərəfdaşları ilə əməliyyatlar həyata keçirmək üçün Qara dəniz regionuna gəlir.

Bundan əvvəl ABŞ Hərbi Dəniz Qüvvələri, Altıncı Donanmanın qərargahı və NATO-nun Dəniz Zərbə və Dəstək Qüvvələrinin Aralıq dənizi və Qara dənizdə əməliyyatlara başladığı barədə xəbər yayılmışdı. Qeyd edildiyi kimi, qərargah "Mount Whitney"də yerləşəcək.

Qərargahı İtaliyanın Neapol şəhərində yerləşən ABŞ Altıncı Donanması çox vaxt digər dövlət idarələrindən olan müttəfiqlər və tərəfdaşlarla birlikdə bütün dəniz əməliyyatlarını həyata keçirir.