İrəvan və Kreml  Ermənistan-Azərbaycan arasında nəqliyat kommunikasiyalarının açılaraq iqtisadi əlaqələrin bərpa olunmasını, o cümlədən sərhəddəki gərginliyin aradan qaldırılmasını müzakirə ediblər. 

ONN media xəbər verir ki,  Ermənistan xarici işlər naziri Ararat Mirzoyanla RF XİN başçısı Sergey Lavrov arasında telefon danışığı olub. 

RF XİN-nin yaydığı məlumatda qeyd olunur ki, telefon danışığında tərəflər “saatlarını uyğunlaşdırmaq” məqsədilə Qarabağdakı vəziyyəti, Ermənistanla Azərbaycan sərhəddindəki gərginliyin aradan qaldırılmasını müzakirə ediblər.

Nazirlər bu məqsədlə  Azərbaycan, Rusiya və Ermənistan liderlərinin üçtərəfli sülh bəyanatının imzalanmasının ildönümü ərəfəsində 10 noyabr və 11 yanvar bəyantlarının icra vəziyyətini müzakirə ediblər.

Görüşdə həmçinin humanitar məsələlər, minalanmış ərazilərin xəritəsinin verilməsi, saxlanılanların azad edilməsi və digər məsələlər müzakirə edilib.