Qarabağda, rus sülhməramlılarının müvəqqəti məsuliyyət zonasında məskunlaşdırılan ermənilər arasında koronavirusa yoluxma sürətlə artır.

ONN media xəbər verir ki, son sutkada cəmi 199 test aparılıb və daha 56 nəfərdə COVID-19 virusu aşkarlanıb.

Hazırda 145 erməni xəstəxanalarda müalicə alır, onlardan 20-nin vəziyyəti çox ağır, 75-nin isə ağırdır.

Koronavirusdan son sutkada 2 nəfər ölüb.

Qeyd edək ki, Xankəndi və ətrafında cəmi 20 min civarında erməni yaşayır və bu statistika əhali sayına görə yüksək sayılır. Ona görə də bəzi məktəblərdə əyani tədris dayandırılıb.