Ermənistan tərəfi 44 günlük müharibədə məhv edilən erməni hərbçilərin qalıqlarının axtarışını bərpa etmək üçün Azərbaycanın rəsmi dairələri ilə danışıqlara başlayıb.

ONN media xəbər verir ki, bu barədə Ermənistanın "Nyus.am" saytı məlumat yayıb. Nəşrin yazdıqlarına görə, işğaldan azad edilmiş ərazilərdə ötən həftə axtarışlar aparılmayıb. Axtarışların hansı səbəbdən dayandırılması haqqında məlumat verilmir.

Ermənistan tərəfinin rəsmi məlumatlarına əsasən, 13 noyabr 2020-ci ildən bu il oktyabrın sonlarına qədər 1697 erməni hərbçisinin meyiti tapılıb.