Liviya Qırmızı Aypara Təşkilatının əməkdaşları dəniz sahillərində 27 miqrantın cəsədini aşkarlayıblar, üç nəfər xilas edilib.

ONN media  xarici KİV-ə istinadla xəbər verir ki, dənizdə batmış miqrantların cəsədləri sudan şənbə günü çıxarılıb. Təşkilatın məlumatına görə, biri körpə olmaqla 17 cəsəd əl-Alus rayonundakı sahildə, ikisi qadın olmaqla daha 10 cəsəd həmin rayonun digər sahilində aşkarlanıb.

Xilas olunan miqrantlara tibbi yardım göstərilib. Sahil boyu axtarışlar davam etdirilir.

Beynəlxalq Miqrasiya Təşkilatının bir qədər əvvəl yaydığı məlumata görə, 2021-ci ilin birinci yarısında dənizlə Avropaya keçməyə cəhd göstərən 1,3 mindən çox miqrant və qaçqın həlak olub.