Fevralın 15-dən sonra COVID pasportunun ikinci dozadan sonrakı müddəti 6 ay müəyyən edilir. 

ONN media  xəbər verir ki, bunu Prezidentin köməkçisi - Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib. O bildirib ki, ikinci dozadan 6 ay keçdikdən sonra sertifikat artıq öz qüvvəsini itirmiş olur. 

"Bildiyiniz kimi müəyyən yerlərə yalnız COVID pasportla daxil olmaq mümkündür. Təbii ki, vaxtı keçmiş COVID pasportla artıq həmin məkanlara daxil olmaq mükün olmayacaq. Fevralın 15-nə qədər bütün vaksin sertifikatları qüvvədə qalır",- deyə o əlavə edib.