Rusiyalı jurnalist və aparıcı Mixail Zelenski 47 yaşında vəfat edib.

ONN media xəbər verir ki, bu barədə “Rossiya Kultura” kanalının rəhbəri Aleksandr Yefimoviç yazıb.

“Baza” Teleqram kanalının məlumatına görə, jurnalist Dominikan respublikasında öz həyat yoldaşı ilə istirahət edirmiş. Jurnalistin vəziyyəti qəfil pisləşib və xəstəxanaya yerləşdirilib. Həkimlərin səylərinə baxmayaraq, həyatını xilas etmək mümkün olmayıb.

İlkin ehtimala görə, Zelenskinin ölümünə səbəb insult olub.