Bu gün Rusiyanın Saratov və Samara vilayətlərində məktəblər “minalanma” hadisəsindən sonra fəaliyyətlərini dayandırıb və şagirdlər məktəblərdən evakuasiya edilib.  

Məktəblərə mina qoyulması barədə məlumat daxil olduqdan sonra təhsil müəssisələri boşaldılıb və dərslər ləğv edilib.

Qeyd edək ki, Saratovda bütün məktəblərdə dərslər dayandırılsa da,  Samarada  bəzi məktbələrdə dərslər dayandırılıb.

Son vaxtlarda Rusiyanın müxtəlif şəhərlərində yeni “minalanma” dalğası vüsət alıb. Belə hadisələr 2019-cu ilin sonunda da baş verib və o zaman məhkəmələrə, ticarət mərkəzlərinə, metro stansiyalarına, aviasiya və dəmir yolu infrastrukturuna, məktəblərə, tibb müəssisələrinə zəng olunaraq  bomba və ya minalanma barədə məlumat verilirdi. Lakin o zaman həmin məlumatların heç biri təsdiqini tapmayıb.