"Brent" neftinin bir barreli 100 dollaradək bahalaşacaq.

ONN media  xəbər verir ki, bu barədə "Morgan Stanley" bankının analitiklərinin proqnozunda bildirilib.

Analitiklər qiymət artımını 2022-ci ilin sonuna yaxın qlobal neft ehtiyatlarının azalacağı ilə izah edirlər. Bununla yanaşı, dünyada ehtiyat gücünün indiki sutkalıq 3,4 milyon barreldən 2 milyon barrelədək düşəcəyi bildirilir.

Qeyd edək ki, daha öncə ekspertlər qiymətin 90 dollara qədər artımını gözləyirdi və artıq bu gün “Brent” markalı neftin bir barreli 87,89 dollar təşkil edib.