BMT-nin məlumatına görə, Rusiyanın Ukraynaya hücumu nəticəsində 100-dən çox dinc sakin həlak olub, 300-dən çox insan isə yaralanıb.

ONN media xəbər verir ki, bu barədə BMT-nin İnsan Haqları üzrə Ali Komissarın Mişel Baçeletin Cenevrədəki ofisi məlumat yayıb.

Onun sözlərinə görə, həlak olanlar arasında ən azı 7 uşaq var. BMT-nin Ali Komissarının bəyanatında deyilir ki, itkilərin əksəriyyəti artilleriya, raket və havadan bombardmanlar nəticəsində olub.

Ukrayna Səhiyyə Nazirliyinin fevralın 28-nə olan məlumatına görə, Rusiyanın Ukraynaya hücumu başlayandan bəri 16-sı uşaq olmaqla 352 nəfər ölüb, 2040 mülki şəxs yaralanıb. Xəsarət alanların 45-i uşaqdır.