Azərbaycanda Novruz bayramı ilə əlaqədar 9 gün iş olmayacaq. Belə ki, martın 20-si bazar gününə təsadüf etdiyi üçün istirahət gününün yeri dəyişdiriləcək, 25 mart qeyri-iş günü olacaq. Beləliklə, 19, 26 və 27 mart tarixləri də şənbə və bazar günlərinə təsadüf etdiyi üçün Novruz bayramı ilə əlaqədar 9 gün ardıcıl (19, 20, 21, 22, 23, 24, 25, 26 və 27 mart) iş olmayacaq.

Elə bu səbəbdən də vətəndaşlar bayramı və istirahət günlərini müxtəlif bölgələrimizdə, xüsusən də hotellərdə keçirməyə can atır. 

ONN media  bayram ərəfəsində Azərbaycanın müxtəlif rayonlarında fəaliyyət göstərən bir sıra hotellərin qiymətlərini araşdırıb. Həmin qiymətləri təqdim edirik: 

Quba Palace Hotel

Hotelin bayram günlərini əhatə edən xüsusi proqramı mövcuddur. Belə ki, martin 19-u və 24-ü ərəfələrində dağ mənzərəli 2 nəfərlik standart nömrələrə 250 AZN, göl mənzərəli 2 nəfərlik standart nömrələrə 270 AZN ödəniş tələb olunur. “Junior suit” otaqları üçün isə qiymət 290 AZN müəyyən olunub. 

Qiymətlərə səhər və axşam yeməyi daxildir.

Qalaaltı Hotel&Spa

Martın 20-26-ı tarixləri üçün qiymət 2 nəfərlik superior nömrələr üçün 266 AZN, 1 nəfərlik nömrələr üçün 225 AZN təşkil edir.

Qiymətlərə gün ərzində 3 dəfə qidalanma, SPA xidmətləri, bayram günləri üçün əyləncə proqramı daxildir.

Marxal Resort&Spa

Hotel bayram tətili ərəfəsi üçün xüsusi qiymətlər müəyyən edib. Belə ki, 2 nəfərlik standart eyvansız nömrələr 380 AZN, eyvanlı nömrələr isə 420 AZN-ə təklif olunur. Delüks suit otaqların qiyməti isə 490 AZN-dən başlayır.

Xidmətə 3 dəfə qidalanma, gündəlik əyləncə proqramları, SPA xidmətləri daxildir.
Qeyd edək ki, qiymətlər 19-27 mart tarixlərində 1 gecə üçün nəzərdə tutulub.

Şamaxı Palace Şaradil Hotel

Şamaxı Palace hotelində 20-21 mart tarixlərində delüks (standart) otağın 1 gecəlik qiyməti 350 AZN, 22-27 mart tarixlərində isə 282 AZN nəzərdə tutulub. Hotel bir neçə günlük gecələmə üçün qiymətlərdə endirim nəzərdə tutub. 

Qiymətə səhər və şam yeməyi, SPA xidmətləri və əyləncə proqramları daxildir.

Qafqaz Riverside Hotel

Martın 20-i üçün 2 nəfərlik standard otağın qiyməti 198 AZN, martın 21-22-23-ü tarixləri üçün 228 AZN təşkil edir. Junior suit nömrələrin qiyməti isə martın 20-i üçün 258 AZN, 21-22-23-ü tarixləri üçün 288 AZN müəyyən olunub.

Qiymətlərə səhər yeməyi və SPA xidmətləri daxildir.

Sakit Göl Hotel

Hotel martın 19-27 mart tarixlərində 2 nəfərlik standart otağın (hotel bina otağı-dağ mənzərə) qiyməti 220 AZN, delüks otaq (hotel bina otağı-göl mənzərə) 240 AZN, 2 nəfərlik kotec 220 AZN təşkil edir.

Qiymətə səhər yeməyi, balıq-ovu, SPA xidmətləri daxildir.

Şahdağ Hotel&Spa

Martın 20-i üçün 2 nəfərlik standart nömrələr 180 AZN-ə, delüks nömrələr isə 150 AZN-ə təklif edilir. Xidmətlərə səhər yeməyi və SPA xidmətləri daxildir. 

Qeyd edək ki, hoteldən qiymətlərin tez-tez dəyişdiyi bildirildi.

Şəki Palace Hotel

Hoteldən bayram ərəfəsində 2 nəfərlik standart otaqların qiymətinin 120 AZN, delüks otaqların qiymətinin isə 130 AZN olduğu deyildi.

Xidmətə səhər yeməyi, hovuz və SPA xidmətləri daxildir. 

Xəzər Palace Hotel

Bayram günləri üçün hoteldə 2 nəfərlik standart nömrələr üçün qiymət 150 AZN, delüks nömrələr üçün 180 AZN nəzərdə tutulub. 

Otaq qiymətinə səhər yeməyi və SPA xidmətləri daxildir.

Sözügedən qiymətlər 19-29 mart tarixlərində keçərlidir.

Lankaran Springs Wellness Resort

Martın 19-26-ı tarixlərində 2 nəfərlik standart nömrə 295 AZN, superior nömrə 315 AZN qiymətlə təklif olunur. 

Qiymətlərə 3 dəfə qidalanma, SPA xidmətləri və bayram üçün nəzərdə tutulmuş əyləncə proqramı daxildir.