Ötən ay ərzaq məhsulları, içkilər və tütün məmulatları üzrə istehlak qiymətləri indeksi əvvəlki ayla müqayisədə 102,1%, ötən ilin fevral ayına nisbətən isə 117,2% təşkil edib.

ONN media bu barədə Dövlət Statistika Komitəsinə istinadən xəbər verir.

Məlumata əsasən, ay ərzində ərzaq məhsullarından daha çox artım unun, çörəyin, peçenyenin, vaflinin, qoyun, mal və toyuq ətinin, kolbasa məmulatlarının, təzə balığın, qatılaşdırılmış şəkərli və pasterizə olunmamış üzlü südün, xamanın, kəsmiyin, yoqurtun, pendirin, kərə yağının, süfrə marqarininin, bananın, naringinin, narın, heyvanın, balqabağın, pomidorun, xiyarın, kartofun, soğanın, sarımsağın, kələmin, şokolad məmulatlarının və konfetlərin, qəhvə və kakao tozunun, kola içkisinin, meyvə şirəsinin, arağın, azalma isə yumurtanın, çuğundurun və yerkökünün qiymətlərində müşahidə olunmub.

Digər ərzaq məhsullarının qiymətlərində ciddi dəyişikliklər baş verməyib.