Bu ilin payızına qədər Almaniya Rusiya kömüründən tamamilə imtina etməli, ilin sonuna qədər isə neftindən asılı olmamlıdır.

ONN media  xəbər verir ki, bunu Almaniyanın baş nazirinin müavini və iqtisadiyyatın baş naziri Robert Habek “Frankfurter Allgemeine Zeitung” qəzetinə müsahibəsində deyib .

"Lakin Almaniyanın maye qaz idxal etmək üçün öz imkanları olmadığından Rusiya qazından imtina etmək daha çətin olacaq. Müvafiq terminalları Almaniya yalnız qurmağı planlaşdırır", - Habek deyib.

Habek qeyd edib ki, Almaniya hakimiyyəti Rusiyadan enerji idxalından tamamilə imtina etməyi planlaşdırır. O, Putinin amansız təcavüzkar müharibəsinə dərhal embarqo qoyulmasına çağıran hər kəsi başa düşdüyünü, lakin o, ölkəsi üçün cavabdeh olduğunu söyləyib.

Almaniyalı nazir burğulayıb ki, hökumət qəbul edilən qərarların nəticələrini nəzərə almalıdır:

“Söhbət bir şəxsi rahatlığı qurban vermək deyil, iqtisadi və sosial ciddi ixtisarlardan gedir: dərhal idxal qadağası halında, gələn qışda tədarükün azalması, iqtisadi tənəzzül və yüksək inflyasiya, yüz minlərlə insanların işini itirməsi, istilik və elektrik enerjisi sahəsində problemlər. Sanksiyalar elə olmalıdır ki, biz sağ qala bilək. Amma biz Rusiya neftindən, kömür və qazından asılılığımızı azaltmaq üçün hər gün, həqiqətən də hər gün, bəzən də gecələr çalışırıq".

Xatırladaq ki, Almaniya hazırda Avropa İttifaqının  Rusiyanın ən böyük bankı "Sberbank"a qarşı sanksiyalar tətbiq etmək cəhdlərinə müqavimət göstərən əsas ölkədir .