Bakıda sərnişindaşımada istifadə edilən bir çox marşrut avtobuslarının istismara tam yararsız olması, baxımsız vəziyyətdə yola çıxması hər kəsə məlumdur.

ONN media xəbər verir ki, istismara yararsız avtobusların marşrutlara buraxılması ötən gün daha bir hadisəyə səbəb olub. Belə ki, Bakının mərkəzi hissələrində hərəkət edən 202 saylı marşrut xətti üzrə hərəkət edən “Karsan” markalı avtobusun təkəri yolda qəfil altından çıxıb. Avtobusun təkərinin yerindən çıxması nəticəsində qəza şəraiti yaranıb və nəqliyyat vasitəsi yolun hərəkət hissəsində qalıb. Yerindən çıxan təkər isə “Hyundai” markalı digər avtomobilə çırpılaraq dayanıb.

“Hyundai” markalı avtomobilin sürücüsü bildirib ki, avtobus sürücüsü hadisəyə görə qarajı günahlandırıb, bildirib ki, avtobuslara texniki xidmət göstərilmir.