Rusiya rublu artıq 7-ci gündür ki, dollar və avroya nisbətən güclənməkdə davam edir.

ONN media  xəbər verir ki, rus mediası fəaliyyət göstərməyən Moskva birjasına istinadla dolların 101,7 rubla, avronun isə 111,95 rubla düşdüyünü yazıb.

Qeyd edək ki, Rusiyada Moskva birjası onlayn fəaliyyətini dayandırıb, Rusiya Mərkəzi Bankı bir çox əməliyyatları qadağan edib.

Banklar və valyutadəyişmə məntəqələri vətəndaşlara dollar satışını tam yasaqlayıb. Hətta bankda dollar əmanəti olan əmanətçilərə vəsaitlərini götürməkdə məhdudiyyət tətbiq edilir, yalnız zəruri olduğunu əsaslandıran sənədlər təqdim edildiyi halda əmanətçi bankdakı dollar əmanətindən maksimum 10 min dollar götürə bilər.

Bu halda Mərkəzi Bankın dolların satış kursunu aşağı salması qəribə olsa da, qara bazar sürətlə inkişaf edir.