Ukraynada müharibəni şifahi şəkildə qızışdırmaq lazım deyil. Məqsəd Ukraynada atəşkəs, daha sonra rus qoşunlarının çıxarılmasıdır.

ONN media  xəbər verir ki, bu sözləri Fransa Prezidenti Emmanuel Makron ABŞ Prezidenti Co Baydenin Vladimir Putinə qarşı çıxışına cavab olaraq deyib.

"Söz və əməllə gərginliyi artıraraq atəşkəsə nail olmaq mümkün deyil", - Makron bildirib.

Qeyd edək ki, Bayden Polşa səfəri zamanı Rusiya Prezidenti Vladimir Putini “qəssab” adlandırıb və hakimiyyətdə qala bilməyəcəyini deyib.