“Ermənistanda yüksək inflyasiya artıq yeni həyat normasına çevrilir. İndi Ermənistanın milli valyutası da tamamilə dəyərdən düşüb. Xaricdən ölkəyə pul köçürmələrində azalma  var. Çünki daha Rusiyadan Ermənistana pul köçürülmələri edilmir. Hətta Mərkəzi Bankın sədri də ilin sonuna qədər yüksək inflyasiyanın olacağını proqnozlaşdırır”. 

ONN media xəbər verir ki, bunu erməni politoloq Hayk Davtyan deyib. 

Erməni siyasətçinin fikrincə, Rusiya-Ukrayna münaqişəsinə görə, daha dəqiq desək, Rusiyaya qarşı tətbiq edilən sanksiyalar səbəbindən istehlak bazarında vəziyyət kəskin şəkildə pisləşib: “Xarici sektorda Rusiya-Ukrayna hərbi-siyasi münaqişəsi zamanı Rusiya iqtisadiyyatına müxtəlif sanksiyalar tətbiq edilib. Nəticədə, Ermənistanın maliyyə bazarlarında qeyri-müəyyənlik və iqtisadi perspektivlərlə bağlı qeyri-müəyyənlik əhəmiyyətli dərəcədə artıb. Bu o deməkdir ki, Ermənistanda yoxsulluq səviyyəsi artacaq, insanlar getdikcə daha pis yaşayacaqlar. Çünki bizim iqtisadiyyatımız hazırda sanksiya burulğanına düşmüş Rusiya iqtisadiyyatından çox asılıdır”.