Mərhum türkiyəli müğənni Bergenin keçmiş həyat yoldaşı Halis Serbest bir müddət əvvəl tamaşaçıların ixtiyarına verilən və izlənmə rekordlarını qıran “Bergen” filminin istehsalçı şirkətinə qarşı şəxsi hüquqların pozulması iddiası ilə məhkəməyə müraciət edib.

ONN media xəbər verir ki, bu barədə onun vəkili Tayler Perver Yalnız bildirib.

“Müvəkkilim inanılmaz dərəcədə ölüm təhdidləri alır. Bununla bərabər sosial mediada durmadan təhqir olunur. Bütün bunlar sübut kimi məhkəməyə təqdim olunacaq. Ortada şəxsin icazəsi olmadan çəkilmiş film və hüququn pozulduğu bir vəziyyət var. Müvəkkilim təzminatı alsa, dərnəklərə bağışlayacaq”, - o deyib.

Qeyd edək ki, mart ayında təqdim olunan filmdə baş rolları Farah Zeynep Abdullah, Tilbe Saran ve Erdal Beşikçioğlu canlandırır.