Ukrayna Silahlı Qüvvələrinin Baş qərargahı cəbhədə 8 aprelə olan vəziyyəti açıqlayıb.

ONN media xəbər verir ki, məlumatda deyilir:

"Düşmən Ukraynanın şərqində hücuma hazırlaşır.

Rus işğalçılarının əsas səyləri Mariupolun ələ keçirilməsinə, İzyum şəhəri bölgəsinə hücuma, Donetsk istiqamətində Birləşmiş Qüvvələrin müdafiəsində irəliləyişlərə yönəlməkdə davam edir. Cənubi Buq istiqamətində rus düşməni qoşunlarımızın irəliləməsinin qarşısını almağa çalışır.

Belarus Respublikası Silahlı Qüvvələri ölkənin hər yerindəki poliqonlarda əməliyyat və döyüş hazırlığı tədbirləri həyata keçirir. Ukrayna-Belarus sərhədinin mühafizəsinin gücləndirilməsi üzrə tapşırıqların yerinə yetirilməsi üçün 4-ə qədər batalyon taktiki qrupu cəlb olunub.

Rusiya Xarkov şəhərini mühasirəyə almaqda davam edir. Qoşunlarımızın irəliləməsinin qarşısını almaq üçün işğalçılar minalanmış sahələrə yerləşdirdilər.

Müvəqqəti olaraq işğal olunmuş İzyum şəhərində qondarma “DXR” nümayəndələri yerli “polis” funksiyalarını yerinə yetirir, sənədlərin qanunsuz yoxlanılması, yerli əhalinin şəxslərinin və binalarının axtarışı həyata keçirilir.

İşğalçı qüvvələrin bölmələri səylərini Popasna və Rubijne yaşayış məntəqələrini nəzarətə götürmək və Mariupol şəhəri üzərində nəzarəti bərqərar etmək üçün cəmləşdirir. Əksər bölgələrdə hücum əməliyyatları davam edir.

Düşmən havadan zərbələr endirməkdə və çoxsaylı reaktiv yaylım atəşi sistemlərindən istifadə etməklə mülki infrastrukturu atəşə tutmaqda davam edir. Donetsk və Luqansk vilayətləri ərazisində son 24 saat ərzində düşmənin yeddi hücumu dəf edilib, dörd tank, iki artilleriya sistemi, on zirehli bölmə və on bir texnika məhv edilib".