Rusiya İranın silah qaçaqmalçılığı şəbəkələrinin köməyi ilə Ukraynadakı hərbi əməliyyatlarda istifadə etmək üçün İraqdan sursat və hərbi texnika alır.

ONN media xəbər verir ki, bunu “Qardian” nəşri yazıb.

Moskvanın mart ayında Ukraynadakı uğursuz kampaniyasından sonra Braziliya istehsalı olan RPG və tank əleyhinə raketlər, həmçinin Braziliya istehsalı olan çoxsaylı reaktiv yaylım atəşi sistemləri İraqdan Rusiyaya göndərilib.

Bildirib ki, həmçinin Tehran hakimiyyəti Moskvaya İran istehsalı olan və Rusiyanın S-300-ə bənzər "Bavar 373" raket kompleksi də bağışlayıb.

Məlumatda qeyd olunub ki, həmin yüklər İranın Ənzəli limanından Həştərxana göndərilib.